Ընտանեկան նախագիծ- մաթեմատիկա4-13.04.20-19.04.20

Թեմա՝  Բազմապատիկ-բաժանարար․ բաժանելիության հայտանիշներ . Ընտանեկան նախագիծ

Ժամանակահատվածը- 13.03.20-19.04.20

Մասնակիցներ- 4-րդդասարանի սովորողներ

Նպատակը՝ Ուսումնական նյութի յուրացում ընտանեկան մթնոլորտում՝ ընտանիքի անդամների մասնակցությամբ

Ընթացքը- սիրելի սովորողներ, կարդում եք թեման,դիտում եք տեսանյութերով բացատրությունները, սովորում եք, ընտանիքի անդամների հետ լուծում եք խնդիրները. կարող եք կազմակերպել երեկոյան հետաքրքիր խաղ- մրցույթներ, ցանկության դեպքում տեսագրել և ուղարկել հղումները: Ստորև նշված ժամկետները դրված են որպես դասակարգող օգնություն, բայց որևէ պարտադրանք չեն կարող ենթադրել, դուք կարող եք մինչև ժամկետի ավարտը կատարման ընթացքը պլանավորել ընտանիքի հետ միասին։

Առաջարկվող ուսումնական նյութեր և գործնական առաջադրանքներ

Դասագիրք

13.04.20

Թեմա — Բազմապատիկ և բաժանարար․ զույգ և կենտ թվեր

Հիշենք, որ զույգ են կոչվում այն թվերը, որոնք վերջանում են 0, 2, 4, 6, 8 թվանշաններով։ Դրանք այն թվերն են, որոնք բաժանվում են 2-ի։ Մնացած թվերը կոչվում են կենտ։

Թվի բազմապատիկ կամ պատիկ կոչվում է այն թիվը, որը անմնացորդ բաժանվում է այդ թվի վրա:

Պատկերացրու, որ թվերի տակի խնձորները պետք է հավասար տեղավորել 2 տուփերում:

2 և 4 թվերի դեպքում դա կստացվի՝

2-ի դեպքում յուրաքանչյուր տուփում կտեղավորենք մեկական խնձոր՝ 2:2=1,

4-ի դեպքում երկուական խնձոր` 4:2=2

Սա հետևյալ պնդման հետևանքն է․

Ցանկացած զույգ թիվ անմնացորդ բաժանվում է 2-ի:

1, 3 և 5 թվերի դեպքում խնձորները հավասար տեղավորել 2 տուփերում չի ստացվի՝ մեկ խնձոր միշտ կավելանա:

Սա էլ բխում է հետևյալ պնդումից:

Ցանկացած կենտ թիվ 2-ի բաժանելիս առաջանում է 1 մնացորդ:

Հիշենք 10-ի բաժանելիության հայտանիշը:

Եթե թվի գրառման վերջին թվանշանը 0-ն է, ապա թիվը անմնացորդ բաժանվում է 10-ի:

Իսկ ի՞նչ կլինի 5 թվի դեպքում․

Եթե թվի գրառման վերջին թվանշանը 0 է կամ 5, ապա թիվը անմնացորդ բաժանվում է 5-ի:

Օրինակ՝

85,380,27405 թվերը բաժանվում են 5-ի, քանի որ դրանց վերջին թվանշանը 0 է կամ 5

Առաջադրանքներ

656, 660, 662, 688, 699, 703, 706, 707, 708