Թույլ տվեք նախ հասկանալ, թե ինչ է ատեստավորումը և ինչպիսի օրինական կարգավորում ունի դրա իրականացումը։ Ատեստավորումը (լատ․ atestatio -վկայություն) աշխատողի կամ սովորողի մասնագիտական որակավորման որոշումն է, որը նպատակ ունի ստուգել նրա համապատասխանությունը զբաղեցրած պաշտոնին։ Ենթադրվում է, որ այն իրականացվում է ՀՀ հանրակրթության մասին օրենքի համապատասխան դրույթներով։ Այսուհանդերձ՝ թույլ տվեք չհամաձայնել նման դրույթներով անցկացվող թեստավորմանը տալ <<ատեստավորում>> ձևակերպումը։ Պատասխանատվություն պահանջող այնպիսի ոլորտ, որը կրթությունն է, մեծ ուշադրության ու լրջության է արժանի։ Նման նախաձեռնությունը, որն աշխատելու պետական լծակ է ստացել, ողջունել եմ հենց սկզբից, երբ դեռ միայն գաղափար էր և այժմ այն ինձ ուրախացնում է այնքանով, որ ուսուցչին հարց է ուղղում․ դու իսկապե՞ս քեզ պատրաստ ես համարում այս գործին, արդյո՞ք անկեղծ ես ինքդ քո և քեզ վստահված սերնդի առաջ։ Սա լավ է, բայց ես նույն հարցն ուղղում եմ նախարարությանն ու պետական մարմիններին․ արդյո՞ք անկեղծ եք դուք մեր և մեր ապագայի տեսլականի հանդեպ․ կա՞ այդ տեսլականը, որտե՞ղ է։

Ես ցավում եմ, որ իրականացման փուլում գաղափարի նկատմամբ իմ ունեցած ոգևորությունը կոտրվեց և որպես երիտասարդ ուսուցիչ, ով կրթվելու, զարգանալու, արդիական, մրցունակ լինելու համար ջանքեր է դնում, զգում եմ, որ այս <<ատեստավորումը>>, որը թույլ տվեք անվանել փոքրիկ թեստավորում, իր մեջ խաբկանք ունի, իսկ իրականացնողները համապատասխան լրջությամբ, մարդու իրավունքների նկատմամբ հարգանքով աչքի չեն ընկնում։ Մի քանի հարց եմ ուզում ուղղել՝ նախքան այս <<տեխնիկական>> կետերին անդրադառնալը։

  1. Հարգելի՛ նախարարություն, որտե՞ղ են նշվում այն իրավական նորմերը, որոնցից բխում և որոնց համապատասխանում է այս որոշումը։
  2. Որտե՞ղ է բովանդակությունը։ Ո՞ր գիտելիքն եք ստուգում։ Ի՞նչ ընթացակարգով, մրցույթով է ընտրվել թեստի բովանդակությունն ու թեստավորման կարգը որոշող կազմը։ Կարճ ասած՝ ո՞վ, ինչի՞ հիման վրա է կազմում իմ գիտելիքներն ստուգող թեստը և հաստատում կարգ՝ անուն, ազգանուն, կենսագրություն։
  3. Որտե՞ղ է <<որոշող>> կազմի գիտահետազոտական հիմնավորումն ու կատարած աշխատանքը։ Արդյո՞ք որևէ հաջողված փորձ հաշվի է առնվել։
  4. Դուք վստահո՞ւմ եք մանկավարժ պատրաստող բուհերին, ընդունելության, ծրագրային ուսուցման այն կարգերը, որոնք առկա են։ Եթե ոչ, ինչո՞ւ հիմնավոր աշխատանք չեք իրականացնում կադրեր պատրաստող կազմակերպությունների հետ, այլ ընդունում եք որոշում, որն ուսուցչին ասում է՝ դու անիմաստ 4-6 տարի ես վատնել, քո որակավորումը հիմք չունի և դու պետք է հայտ ներկայացնես աշխատելու իրավունք ունենալու համար։
  5. Ի՞նչ հիմնավորում ունի աշխատավարձի բարձրացման այսպիսի չափը, որն, ի միջի այլոց, այնքան էլ մրցունակ թիվ չէ։ Ո՞րն է տրամաբանությունը նույն միավորների դեպքում աշխատավարձը, օրինակ, ոչ թե 300, այլ 30 տոկոսով բարձրացնելու։
  6. Դուք իսկապե՞ս վստահ եք, որ այս թեստավորման արդյունքում գրավչություն ու բարվոք պայմաններ են ավելանալու մանկավարժական աշխատողի համար այնպիսի, որ թափուր աշխատատեղերը պակասեն, ոչ թե հակառակը։

Փաստաթուղթը, որը առաջարկվել է հանրային քննարկման, իմ դիտարկմամբ, տեխնիկական ինչ-որ հարցեր է ներառում, որի քննարկումը չի տալու վերոնշյալ բովանդակային հարցերի պատասխանները։ Ակնկալում եմ ստանալ այս հարցերի պատասխանները։

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s