Ճամփորդություն դեպի Արա լեռ

Մեկնում՝ Սեպտեմբերի 25՝ ժամը՝ 10:00 ,Մայր  դպրոցից  

Վերադարձ՝ ժամը՝ 16:00, Մայր դպրոց

Բարձունք՝ Արա լեռ (գ․Երնջատափ,Արագածոտնի մարզ)

Մասնակիցներ՝ Միջին դպրոցի սովորողներ

Պատասխանատուներ՝ Հասմիկ Իսրայելյան, Մենուա Հարությունյան

Երթուղի՝ Երևան-Եղվարդ-Երնջատափ-Արա լեռ

Նախապատրաստական աշխատանք

  • Քարտեզի օգնությամբ պատրաստել երթուղին
  • Հավաքել տեղեկություններ այցելվող վայրերի մասին
  • Հավաքել տեղեկություն դեղաբույսերի մասին, ուսումնասիրել տեսակները
  • Անցկացնել մաթեմատիկական ֆլեշմոբային խնդիրների մրցույթ

Ճամփորդության նպատակը՝

  • բարձունքի հաղթահարում
  • տեղանքի ուսումնասիրում
  • այցելություն Ծաղկեվանք
  • մաթեմատիկական մրցույթ

Անհրաժեշտ պարագաները՝

  • Ուսապարկ
  • Մարզական համազգեստ, գլխարկ
  • Տաք հագուստ
  • Բրդուճներ, ջուր
  • Թվային միջոցներ` տեսախցիկ, ֆոտոխցիկ

Տրանսպորտի գումար

Մեկ սովորողը՝ 2000 դրամ

Տոնական ճամփորդություն

Սեպտեմբերի 1-ը ֆիզգորոդոկում

 Սեպտեմբերի 1-ին եկեք ֆիզգորոդոկ՝ միասին տոնելու Գիտելիքի օրը։ 

Ալիխանյան ազգային գիտական լաբորատորիան և Ֆիզիկայի գիտավանի համայնքը հրավիրում են «Գիտելիքի օրը Գիտավանում» ճանաչողական, կրթական, տոնական միջոցառմանը։

Ժամը- 17:30 — 20:30

Ծրագրում.

  • Հետաքրքիր գիտական փորձեր
  • Սեղանի ու թվային խաղեր
  • Շախմատի մրցաշար
  • Վարպետության դասեր
  • Երգ և պար
  • Ծանոթություն գիտական լաբորատորիային ու գիտավանի պատմությանն ու ներկային
  • Միջոցառումն անցկացվում է «Գիտուժ» նախաձեռնության հետ համատեղ խաղերը, ՀՀ Գիտությունների ազգային ակադեմիան:

Մասնակիցներ.Միջին դպրոցի սովորողներ, ծնողներ,Դասավանդողներ- Լիանա Հակոբյան, Հասմիկ Իսրայելյան։

Վաղաշենի բնապահպանական ճամբար․ ամփոփում

Սևան ազգային պարկում Վաղաշենի բնապահպանական ճամբարի մեր խումբը հերթական փուլն իրականացրեց օգոստոսի 8-10-ը։ Ուղևորությունն սկսեցինք Սուրբ Երրորդություն եկեղեցու բակից։ Վաղաշենում մեզ դիմավորեցին հարավային դպրոցի ճամբարականները(ղեկավար՝ Գոհար Սմբատյան)։ Իրականացրինք հերթափոխի ծիսական փոխանցումը Սյուզի Մարգարյանի և Աննա Երիցյանի հետ միասին՝ երգ ու պարով, խաղերով։ Ճամբարականները դասավորեցին իրերը, ճաշեցինք, Սևան ազգային պարկի Մարտունու մասնաճյուղի պատասխանատու Արթուրի ուղեկցությամբ ծանոթացանք տարածքին, ճաշից հետո մաքրեցինք լողափնյա մի հատվածը, ալեկոծ Սևանի գեղեցկության ու հրապույրի ներքո, իրենց իսկ մաքրած հատվածը վայելեցին սովորողները՝ անցկացնելով լողի և մարզական պարապմունք։ Երեկոյան ընթրիքին մեզ օգնեցին արևային լապտերները:

Ճամփորդական երկրորդ օրը Առավոտյան շատ վաղ սկսվեց, ճամբարականները օրը վայելելուն և աշխատելուն շատ էին տրամադրված: Մարմնամարզություն, տարածքի և վրանների մաքրում, դասավորում, թեյ, նախաճաշ, լողի պարապմունք, շունիկների խնամք… մեզ տրամադրվեցին նոր, համապատասխան պարկեր: Ծանոթացանք Սևան ազգային պարկի Մարտունու մասնաճյուղի տնօրեն Թաթուլ Բաղդասարյանի և ազգային պարկի փոխտնօրեն Աղաբեկ Ղազարյանի հետ, քննարկեցինք առկա և իրականացվող աշխատանքները, էկոլոգիական վիճակը: Տարածքի մանրակրկիտ մաքրում, էկոլոգիական վիճակի մասին զրույցներ, քննարկումներ, ուսումնասիրություն և անկեղծ, փաստարկված սեր Սևանի, բնության հանդեպ…

Ճաշից հետո, ֆիզիկական աշխատանքն ավարտելով, ուղեղի հավես մարզում իրականացրինք՝ մաթեմատիկական ֆլեշմոբային խնդիրների թարմ քննարկումով, խաղ-մրցույթով, որտեղ թիմերը ներկայացրին նաև իրենց առաջարկած խնդիրները: Մեզ միացած ընկերները զարմացան, որ ունենք ամենամսյա <<Կենգուրու>>։

Հաջորդիվ՝ լողի պարապմունքներ, վոլեյբոլ, տարածքի մաքրում, փայտի հավաքում: Երեկոյան ընթրիքը անտառում իհարկե պատկերացնելի չէ առանց խարույկի, թեյի, մրգի, քաղցրի և գաղափարների փոխամակման: Կամավորները ներկայացրին հասարակական տարբեր թեմաներ և տարածվեց քննարկում, և իհարկե, էկոլոգիական գիտելիքների և փորձի փոխանակում, Վաղաշենում իրականացված աշխատանքների քննարկում, ամփոփում և իհարկե կարտոֆիլի փուռ:

Ճամբարի վերջին օրը, առավոտյան վաղ, ճամբարականներին արթնացրին շնիկները, ինչին իհարկե իրենք դեմ չէին: Արևածագով սկսվեց օրը: Թեյախմություն, վրանների մաքրում, տարածքի խնամք և մաքրում, փայտի հավաքում, մարմնամարզություն, նախաճաշ, լողի պարապմունքներ և նախապատրաստական աշխատանքներ իրականացրինք հաջորդ հերթափոխի համար, որը ծիսական երգ ու խաղով փոխանցեցինք Հարավային դպրոցին՝ Շամիրամ Պողոսյանի գլխավորությամբ:

Ճամփա ընկանք, բայց այսքանով չավարտվեց ճամփորդությունը: Հայրավանքում բացահայտեցինք գեղեցիկ, գողտրիկ 15-րդ դարի եկեղեցին՝ դարերի օրհնությամբ ու ջերմությամբ: Աղոթքով ողջունեցինք հոգևոր տանն ու հաճելի տպավորություններով վերադարձանք:

Սևանը սիրեց մեզ այնքան շատ, որքան մենք իրեն՝ խնամքով:

Բնապահպանական եռօրյա ճամբար Վաղաշենում

Սևանա լիճ, Վաղաշենի տարածքում

Սևան ազգային պարկի հովանավորությամբ

Օր՝ օգոստոս 8-10

Պատասխանատու՝ Հասմիկ Իսրայելյան

Օգնական՝ Մարիամ Խաչատրյան

Կամավորներ՝ Ռիմա Ասրյան, Անահիտ Հովսեփյան

Մարզիկ՝ Գոհար Դանիելյան

Տևողություն՝  3 օր

Անհրաժեշտ իրեր

  • Արևապաշտպան գլխարկ
  • Քնապարկ֊ուսապարկ
  • Անհատական սպասք (բաժակ, ափսե, գդալ, պատառաքաղ)
  • Անհատական հիգիենայի միջոցներ
  • Լողի պարագաներ
  • Պահեստային հագուստ (տաք և ամառային)
  • Առաջին օրվա ճանապարհային բրդուճներ
  • Ջուր, ջրաման
  • Լապտեր

Արժեքը մեկ սովորողի համար— 6.000 դրամ (ճանապարհածախս, սնունդ)

Մասնակիցներ՝ Միջին, Արևմտյան դպրոցների սեբաստացի սովորողներ և ընկերներ

Ճամբարի ուղղությունները

  • բնապահպանական
  • հայրենագիտական
  • մարզական

Քարտեզագրում

Հեռավորություն 141 կմ, տևողություն-2 ժ. 46րոպե

Օր 1

8։00 Մեկնում Սուրբ Երրորդություն եկեղեցու բակից

10։30 Կանգառ Սևան֊Գավառ խաչմերուկում

12։00 Ժամանում (բրդուճների ընդմիջում, ծանոթացում տարածքին, ճամբարային նախապատրաստական աշխատանքներ)

12։00-13։30 Բնապահպանական նախագիծ (լողափի մաքրում, աղբի տեսակավորում, ճյուղերի դասավորում, տարածքի փոցխում)

14։00 Ճաշ

15։00-16։00 Մարզական պարապմունք

16։00-19։00 Լող, լող ուսուցում

19։30 Ընթրիք

20։00-21։00 Զրույցներ խարույկի շուրջ

21։30-22։00 Քնի նախապատրաստական աշխատանքներ

Օր 2

8։30-9։00 Վեր կաց, հիգիենայի ժամ

9։00 Մարզական պարապմունք

9։30 Նախաճաշ

10։00-11։00 Լող, լող ուսուցում

11։00-12։00 Բնապահպանական նախագիծ (լողափի մաքրում, աղբի տեսակավորում, ճյուղերի դասավորում, տարածքի փոցխում)

12։00-13։00 Բանավոր մաթեմատիկա․ հետաքրքրաշարժ խնդիրներ

14։00 Ճաշ

15։00-16։00 Բնապահպանական նախագիծ (լողափի մաքրում, աղբի տեսակավորում, ճյուղերի դասավորում, տարածքի փոցխում)

16։00-19։00 Լող, լող ուսուցում

19։30 Ընթրիք

20։00-21։00 Խարույկի նախապատրաստական աշխատանք, զրույց-քննարկում, օրվա ամփոփում

22։00 Քուն

Օր 3

8։30-9։00 Վեր կաց, հիգիենայի ժամ

9։00 Մարզական պարապմունք

9։30 Նախաճաշ

10։00-12։00 Բնապահպանական նախագիծ (լողափի մաքրում, աղբի տեսակավորում, ճյուղերի դասավորում, տարածքի փոցխում)

12։00-13։00 Մարզական պարապմունք

14։00 Ճաշ

15։00 Մեկնում

16։00 Կանգառ Հայրիվանքում

18։00 Ժամանում Սուրբ Երրորդություն եկեղեցի

Ճաշացանկ

Մասնակիցներ՝

  1. Հասմիկ Իսրայելյան
  2. Մարիամ Խաչատրյան
  3. Ռիմա Ասրյան,
  4. Անահիտ Հովսեփյան
  5. Գոհար Դանիելյան
  6. Վարդանյան Ավետ- 7-րդ դասարան, Երևանի № 171 հիմնական դպրոց,
  7. Բաղդասարյան Անի-7-րդ դասարան, Միջին դպրոց
  8. Ղազարյան Դավիթ – 8-րդ դասարան, Երևանի Պուշկինի անվ․ դպրոց,
  9. Ղազարյան Հրաչյա- 6-րդ դասարան, Երևանի Պուշինի անվ․ դպրոց,
  10. Դավիթ Մանուկյան- 8- «Անանիա Շիրակացի» կրթահամալիր,
  11. Արամ Թումանյան- 8-րդ դասարան, Երևանի № 186 հիմնական դպրոց
  12. Վերմիշյան Դավիթ- 7-րդ դասարան, Միջին դպրոց
  13. Հակոբյան Համլետ- 7-րդ դասարան, Միջին դպրոց
  14. Խաչատրյան Հրանտ – 7-րդ դասարան, Միջին դպրոց
  15. Մնացականյան Նարեկ- 7-րդ դասարան, Միջին դպրոց
  16. Հարությունյան Գագիկ- 7-րդ դասարան Միջին դպրոց
  17. Սադոյան Բագրատ- 7-րդ դասարան Միջին դպրոց
  18. Մարտիրոսյան Դավիթ- 7-րդ դասարան Միջին դպրոց
  19. Սամի Մանգալ- Մուտքի ճամբար, 7-րդ դասարան Միջին դպրոց
  20. Հակոբյան Ժասմին-5-րդ դասարան, Արևմտյան դպրոց
  21. Հակոբյան Մհեր-5-րդ դասարան, Արևմտյան դպրոց
  22. Գալստյան Արամ-5-րդ դասարան, Արևմտյան դպրոց

Պատում Հազարան ճամփի մասին

«Մխիթար Սեբաստացի» կրթահամալիրում մեկնարկել են Քանդակագործության և ճարտարապետության ամենամյա միջազգային փառատոնի նախապատրաստական աշխատանքները։ Փառատոնի շրջանակներում էլ իրականացրինք այն սովորական, արվեստոտ ճամփորդությունը, որի  մասին է այս պատումը։

Մայիսի 26-ին կրթահամալիրից, նստոտելով Հազարան հավքի թևերին, ճամփա ընկանք։ Յոթ սարից, յոթ ծովից անդին Հավքը ձորերի մեջ մեզ թողեց Արատեսի հեքիաթում, ինքը թռավ, կորավ ու, էլ ոնց կանչեցինք, փնտրեցինք, չգտանք։

Դե, արդեն ծանոթացել էինք՝ ես էի, Դանիելն էր, Տիգրանը, Գայանեն, Նարեկը, Էլեոնորան, Սոնան, Արեգը, Սուսաննան, վարպետ Մուշեղն ու վարպետ Գրիգորը, ընկեր Ալիսան և Ալիսա կրտսերը՝ հրաշքների աշխարհից։ Շուտով հանդիպեցինք ձորերի պահապան պարոն Տարոնին, մոտեցանք, հարցրինք՝ Հավքին ո՞նց գտնենք, նա էլ թե՝  մի՛ խանգարեք, գործ ենք անում․ ճամփա եք եկել, դեռ մի գնացե՛ք, դինջացե՛ք, հա՛ց կերեք․․․

Դեռ նոր էինք սուփրան փռել, Վիգեն Ավետիսի դպրոցի հրաշագործներն էլ կախարդական աշխատանքներն էին դասավորում, երբ պարոն Տարոնի մուրճի հարվածով փերիների ճոճ հայտնվեց, մեր փերիներն էլ՝ ճոճի վրա։

Հիմա կասեք՝ լավ, դո՞ւ ինչ գործ ունեիր այդ հեքիաթում։ Փերիներն էլ էդպես հարցրին։ Ասեմ։ Իմաստունն ինձ հուշել էր, որ տարածքում հին ժամանակներից մեզ հասած տաճար կա, որտեղ գանձ է թաքնված ու սպասում է գտնողին, ես էլ գնացի գանձը որոնելու։ Էսպես էլ հավաքվեցինք ու գնացինք գանձն ու Հավքին որոնելու։ Շատ գնացինք, թե քիչ, հասանք Եղեգիս գետի Արատես վտակին։ Գետի ափին նստած պատմեցինք մեր պատմությունները, գետն էլ սկսեց երգել մեր որոնման մասին։ Ասաց՝ այդ ոսկին ուրիշ իմաստուն ճամփորդներ էլ են փնտրել հեռավոր Ֆլորենցիայից եկած որոնողների հետ․ պեղել են, հետազոտել ու գրել են այդ ամենի մասին և ասել, որ էլի են գալու։ Մին աջ գնացեք, մին՝ ձախ, երբ երգս չլսվի, կգտնեք, իսկ Հավքը շատ բարձր է թռչում, նրան պետք է կանչել բարձունքից։

Գնացինք, գտանք հյուսիսը, գեղարվեստի պուրակը, սիրո տունն ու պանդոկը, մեկ էլ երգի ձայնը չլսվեց, ու տեսանք ոսկու տաճարը՝ Արատեսի վանքը։ Մոտեցանք, սկսեցինք ուսումնասիրել։ Հնագույն տեքստերի մեջ, որ գրված էին խաչքարերին, տապանաքարերին, հավատի տաճարի քանդված ու խառնված պատերին, գաղտնաբառերը վերականգնելը դժվար էր, դրանք գրված էին գրաբարով, հազարավոր անցորդների ոտնատակ մնալով, մաշվել էին, կոտրվել, բաժանվել։ Փոխարենը Սոնա անունով փերին, որ երազում է հեռավոր Ճապոնիայում անիմատորների թագուհի դառնալ, հարցրեց՝ ինչու օտար աշխարհներից եկող մարդկանց հանգստին հարմար վայրեր չկան։ Հենց այդ պահին էլ ոսկու բանալին գտավ՝ հենց շատ աշխատի ու հանգստի վայրեր սարքի, ոսկին կհանի։ Այս գանձապահ տաճարի մասին դեռ երկար կկարդանք։

 Վիգեն Ավետիսի  դպրոցի հրաշագործները մեզ հուշեցին, որ Հավքին կանչելու մի եղանակ են գտել՝ պատկերել նրա մոգական կերպարը քանդակներով ու նկարներով։ Դրախտային այգում արվեստն սկսեց կանչել Հավքին։

Արվեստի կանչը լսեք սեղմելով այս բանալի հղումը։

Լիալուսնի գիշեր իջավ դրախտային այգում, փերիներն ու դյուցազունները երգում-պարում էին, երբ Արեգն իր արևի լույսով նկատեց պտտվող Հավքին, բայց հավքը թռավ՝ ցույց տալով վեր ու վեր խոյացող բարձունքը։ Իսկ մենք լսում էինք լիալուսնի մեղեդին։

Առավոտյան ծեգին՝ արևի առաջին շողերի հետ, դրախտային այգու պահապան պարոն Տարոնին հրաժեշտ տվեցինք ու Հավքի փայլփլուն հետքերով բռնեցինք բարձունքի ուղին։

Շատ գնացինք, թե քիչ, Աստված գիտի, հասանք Արտաբույնքի թագավորություն։ Մի իմաստուն ծերուկ, նստած ճամփաբաժանին, ճանապարհ էր ցույց տալիս։ Հարցրինք Հավքի մասին, ասաց՝ հավատաս՝ կտեսնես, համբերես՝ կլսես, սիրես՝ կունենաս։ Վերում թռչում է, վարից փախչում է, ազատ է, անկախ է,  կորցրիր՝ կկորես։

Հանելուկը գուշակեցինք, իմաստունն ասաց՝ «Սմբատաբերդի բարձունք» ու ցույց տվեց հեռվից երևացող ամրոցը։(Պատմությունը՝ հղումով)

Յոթ օր, յոթ գիշեր բարձրացանք, և ոչ ոք կանգ չառավ։ Բարձունքի ճամփին ծանոթ ճամփորդների հանդիպեցինք, որ էլի Հավքի ետևից եկել էին Սմբատաբերդ։ Հաղթահարեցինք, բարձրացանք ու ամրոցի դռները բացելով՝ կամարներից  ներս անցանք։ Սմբատաբերդի բարձունքից բացվեց  դրախտային այգու ամբողջական համայնապատկերը, հեռվում շա՜տ հեռվում երևաց Հազարան Հավքը՝ եռագույն՝ կարմիր, կապույտ, նարնջագույն, սլացքով բացված թևերին գրված ՝ ՀՀ Մայիսի 28… Հազարան Հավքի թևով էլ վերադարձանք։

Հասմիկ Իսրայելյան

Խմբագրումը՝ Արևիկ Ներսիսյանի

Արատեսի վանական համալիր․ ԾԱՂԿՈՂ ԱՐԱՏԵՍ

Ճամփորդության վայրը՝ Արատես դպրական կենտրոն

Մեկնում՝ մայիսի 26, ժամը՝ 13։00 Հյուսիսային դպրոց, Վիգեն Ավետիսի քանդակի դպրոցից

Վերադարձ՝ Մայիսի 28, ժամը՝ 18։00

Երթուղին՝
Մեկնում՝ Երևան -Արտաշատ- Երասխ- Սևակավան — Զանգակատուն — Արենի — Գետափ- Շատին- Եղեգիս-Հերմոն-Արատես

Վերադարձ՝  Արատես- Հերմոն- Եղեգիս-Շատին-Վարդենյաց լեռնանցք- Մարտունի-Սևան-Երևան

untitled

Ճամփորդության նպատակը՝ Արատեսի վանական համալիրի ուսումնասիրություն՝ վանքի վերականգնման նախագծի. տարածքի հետազոտական, պեղումների, մաքրման, վանքի վերականգնման և այլ աշխատանքների նախապատրաստման, պլանավորման նպատակով։

Համագործակցություն՝ Քանդակի ակումբի նախագծով (ԱՐԱՏԵՍ, ԿԱՐՄԻՐ ԾԱՂԻԿ ԿԱՄ ԾԱՂԿՈՂ ԱՐԱՏԵՍ/ Փառատոնային Արատես- Ալիսա Գևորգյան)

Անհրաժեշտ պարագաներ արշավականին

Քնապարկ, մեկանգամյա օգտագործման սպասք, տոպրակ_ձեռնոց, անձնական հիգիենայի պարագաներ, արևապաշտպան գլխարկներ, մարզահագուստ, տաք հագուստ, փոխնորդ կոշիկներ, գուլպաներ, բրդուճներ առաջին օրվա համար, սեղանի ինտելեկտուալ խաղեր, ֆոտոխցիկներ.

Մասնակիցներ

  1. Դանիել Հովհաննիսյան 7-րդ
  2. Տիգրան Պապոյան 7-րդ
  3. Գայանե Պողոսյան 11-րդ
  4. Նարեկ Ավետիսյան 8-րդ
  5. Գրիգորի Խաչատուրյան 8-րդ
  6. Էլեոնոր Պետրոսյան 7-րդ
  7. Ալիսա Հակոբյան 7-րդ
  8. Սոնա Մեհրաբյան 8-րդ
  9. Տարոն Հակոբյան 11-րդ
  10. Արեգ Սերոբյան 11-րդ
  11. Միքայել Մկրտչյան 11-րդ
  12. Սուսաննա Բալախչյան 8-րդ
  13. Ալիսա Գևորգյան դասավանդող
  14. Հասմիկ Իսրայելյան դասավանդող
  15. Գրիգոր Դարբինյան-քանդակագործ
  16. Մուշեղ Մուսայելյան- քանդակակագործ

Այցելություն Կենտրոնական բանկ

Կենտրոնական Բանկի այցելուների կենտրոնում «Ֆինանսական կրթություն» նախագիծն ամփոփեցինք։ Այցելության հետ համատեղեցինք Երևանյան թափառումներ, ճանաչողություն, սեր֊ուրախությամբ կրթություն…

Պատմում են սովորողները

Հովհաննես Գալիկյան

Վիկա Արևշատյան

Մարի Աղայան

Հայկ Աղլամազյան

Կորյուն Գաբոյան

Տաթև Օրդյան

Այցելություն Կենտրոնական բանկ, Անգլիական այգի

ՃԱՄՓՈՐԴՈՒԹՅՈՒՆ՝ Ք․ ԵՐԵՒԱՆ, ՀՀ ԿԵՆՏՐՈՆԱԿԱՆ ԲԱՆԿԻ ԹԱՆԳԱՐԱՆ, շրջայց Երևանի Անգլիական այգի

  • Օրը՝  Մայիսի 19
  • Մեկնումը՝ ժ. 11:00
  • Վերադարձ՝ ժ. 16:00
  • Մեկնարկի վայր՝ Մայր դպրոցից ժ. 11:00
  • Վերադարձը՝ Մայր դպրոց ժ. 16:00
  • Երթուղային՝
  • Կազմակերպիչներ՝ Հասմիկ Իսրայելյան, Նունե Թեմուրյան
  • Մասնակիցները. 6-րդ դասարան
  • Գումար՝ 1000 դրամ

Նպատակը՝» ֆինանսական կրթություն » նախագծի ամփոփում, ֆինանսական գրագիտության զարգացման նպատակով՝ ծանոթանալ ՀՀ-ում ֆինանսական գործունեությանը, դրամավարկային քաղաքականությանըՀայաստանի դրամաշրջանառության պատմությանը, դրամանիշերի պատմությանը Երևանում ՀՀ կենտրոնական բանկի  ինտերակտիվ թանգարանում:

Արդունքները- սովորողները իրենց բլոգներում հրապարակում են նյութերը, կիսվում իրենց ստացված տպավորություններով, աշխատանքը ներկայացնում են տեսաֆիլմի ու նկարների միջոցով։

Մասնակիցներ․ Միջին դպրոցի սովորողներ

  1. Թադեոս Այնթաբյան
  2. Լեո Աղաբեկյան
  3. Մարի Աղայան
  4. Հարություն Մալքունյան
  5. Սամվել Հակոբյան
  6. Հովհաննես Գալիկյան
  7. Նատալի Օրդեկյան
  8. Գուրգեն Աբրահամյան
  9. Հայկ Աղլամազյան
  10. Սյունե Հայրումյան
  11. Նարինե Հակոբյան
  12. Կարապետ Նշանյան
  13. Վիկա Արևշատյան
  14. Տաթև Օրդյան
  15. Կորյուն Գաբոյան

Քաղաքային թափառում․ ես հոգատար եմ

  • Օրը՝  Մայիսի 14
  • Մեկնումը՝ ժ. 11:00
  • Վերադրաձ՝ ժ. 16:00
  • Մեկնարկի վայր՝ Մայր դպրոցից ժ. 11:00
  • Վերադարձը՝ Մայր դպրոց ժ. 16:00
  • Երթուղային՝ քաղաքային տրանսպորտ
  • Կազմակերպիչներ՝ Հասմիկ Իսրայելյան, Նունե Սմբատյան
  • Մասնակիցները. 7-րդ դասարան
  • Գումար՝ 1000 դրամ

Ճանապարհի նկարագրություն՝

Երթուղին- Առնո Բաբաջանյան փողոց- Սերգեյ Փարաջանովի թանգարան( քաղաքային №99 երթուղիով ընթացքից քայլք, թափառում)֊ Դիանա Աբգարի անվ. պուրակ- քայլք Մաշտոցի պողոտայով֊ Սբ․ Սարգիս եկեղեցի

Անհրաժեշտ իրեր

  • Ալկոգել
  • Դիմակ
  • Միանգամյա օգտագործման ձեռնոցներ
  • Պոլիէթիլենային պարկեր աղբի համար

Ընթացքը․

Համացանցից տեղեկություններ ենք հավաքում մեր քաղաքի մասին, այնուհետև սովորողները գծում են երթուղին, քարտեզի վրա ուսումնասիրում և որոշում են երթի հերթականությունը: Տեղեկություններ են հանում Երևանի, ինչպես նաև այն վայրերի մասին, ուր այցելելու ենք: Թափառումների ընթացքում․ այցելում ենք թանգարան, ուսումնասիրելու լուսանկարելու, տեսանկարահանելու և լուսաբանելու ենք ճանապարհի շինությունները, Դիանա Աբգարի անվ. պուրակը, գեղեցիկ տեսարանները , այնուհետև մաքրման աշխատանքների ընթացքը, կանգառը Սբ. Սարգիս եկեղեցում։

Արդունքները- սովորողները իրենց բլոգներում հրապարակում են նյութերը, կիսվում իրենց ստացված տպավորություններով, աշխատանքը ներկայացնում են տեսաֆիլմի ու նկարների միջոցով։

Մասնակիցներ․

1.Մուրադյան Դավիթ 7-5

2․Սարդարյան Յանա 7-5

3.Սարգսյան Հասմիկ 7-5

4.Բունիաթյան Նարեկ 7-4

5.Բաբաջանյան Դավիթ 7-4

6.Գրիգորյան Անիտա 7-4

7.Սարգսյան Լաուրա 7-4

8.Կագանյան Գայանե 7-7

9.Սինհա Մաքս 7-7

10.Ասատրյան Միքայել 7-7

11.Վիկտորյա Գիգոլյան 7֊3

12. Մարիամ Արշակյան 7֊3

13. Սուսաննա Սարգսյան 7֊3

14. Նարեկ Մնացակյան 7֊3

15. Նարե Կարապետյան 7֊3

Արդյունքներ

<<Քաղաքային թափառումներ>> և <<Ես հոգատար եմ>> նախագծերով իրականացրինք ճամփորդություն Երևանում։ №99 քաղաքային երթուղայինով սկսվեց ճամփորդությունը, այցելեցինք Ս․ Փարաջանովի թանգարան, քայլեցինք Մաշտոցի պողոտայով, Սբ․ Սարգիս եկեղեցու կանգառն ուղեկցվեց կանաչապատ հատվածների խնամքով, մաքրությամբ, անցանք Հրազդանի Կիրճով, Դիանա Աբգարի անվ․ պուրակում ծանոթացանք տեղանքին, ճանապարհին գտանք սելֆիի անկյուններ, լուսանկարվեցինք, հագեցրինք օրը քաղցրով և վերադարձանք №44 երթուղով։

10 մլն. ծառ ծրագրին միացան Սեբաստացիները

Ապրիլի 25֊ը մեր պետության համար այս տարի կարևորվեց «Քաղաքացու օրվա» և «Երկրի օրվա» նշումով «1000000 ծառ» պետական ծրագրով համապետական ծառատունկի իրականացմամբ; «Մխիթար Սեբաստացի» կրթահամալիրի համար նման գործունեությունն անընդհատ․ ծառատունկ, կանաչ տարածք, բնական միջավայրի բարեկարգում, խնամք, հոգատարություն բնության հանդեպ․․․ այնպես մշտական, այնքան շարունակական, ասես՝ ամենօրյա ծես։ Բնական է, որ համապետական ծառատունկի տոնին միանալու հնարավորությունը բաց չթողեցինք։

Խաղողի և գինու դպրոցի ղեկավար Արտակ Ռշտունին(գեղեցիկ ընտանիքի և ընկերների հետ միասին) հրավիրեց տոնական «արարողությանը»։

Կանչն ընդունոցին Լիլիթ Յախինյանն ու Սամվել Թամազյանը Ավագ դպրոցի սովորողների` Առաքել Գրիգորյանի, Սերգեյ Մինասյան, Արմեն Ստեփանյան, Ինեսա Գափոյան, Մարիամ Մնացականյան, Միլենա Մադոյան, Մարինա Ղազանչյան պատրաստակամությամբ։

Դե ուրախ տրամադրությունն էլ ո՞վ ապահովեր, եթե ոչ Նելի Փիլոյանը։

Իրադարձության լուսաբանման առաջարկն էլ անսպասելի ուրախությամբ ընդունեցինք ես` Հասմիկ Իսրայելյանը և Մարիաննա Գևորգյանը։ Գնացինք…

Ճանապարհը գեղեցիկ էր, ոգևորված, ուրախ` բարիքի ստեղծման ակնկալիքով, հրճվանքով։ Ընկեր Արտակը ներկայացրեց օրակարգը, ծրագիրը։ Տաք, արևոտ եղանակ, հետաքրքիր պատմություններ, կանգառ սառն աղբյուրի մոտ և շուտով Բյուրականում ենք։


Արագածոտնի մարզի անտառապետ ընկեր Մարատը մեզ դիմավորեց և տրամադրեց կաղնու, խնձորենու տնկիները։ Բյուրականում տնկվելու էր 10000000 ծառից 30000֊ը։ Սեբաստացիներն անցան գործի։

Նելի Փիլոյանն իր կախարդական կիթառով այնպիսի ուրախություն փոխանցեց, որ տնկիների խրձերն աննկատ մաշվեցին մեր ձեռքում. երգ ու պարով, հույս֊ուրախությամբ լցրեցին դաշտը։

Շուտով աշխատանքին միացան հարյուրավոր մարդիկ ՀՀԱԻՆ աշխատակիցներ, բնակիչներ, կազմակերպությունների անդամներ; Ընկեր Արտակին առաջարկեցի փոքրիկ շրջագայություն անել; Մեզանից քիչ հեռու աշխատող խմբերի այցելեցինք, մի քիչ զրույցի ու ծանոթության մեջ ի՞նչ վատ բան կա, եթե ոչ միայն լավը; Արի ու տես, որ բնակիչները այնքան էլ չոգևորվեցին մեր զրույցի հրավերից, փոխարենը մեր թափառումը համագործակցության լավ հնարավորությքւն ընձեռեց. ծանոթացանք «Մերգելյան գործարանի» աշխատակիցների հետ։ Զրուցեցինք, պատմեցինք, լսեցինք, առաջարկեցինք և համաձայնեցինք շուտով հյուրընկալվել Մերգելյան գործրանում` նախագծային խմբով և հյուրընկալել գործարանի սովորողներին Մխիթար Սեբաստացի կրթահամալիրում։ Ինչ խոսք. բեղմնավոր շրջագայություն ստացվեց։

Դե ինչ։ Աշխատանքն ավարտեցինք։ Իսկ ի՞նչ էր մնում, եթե ոչ աշխատող մարդկանց արդար քաղցը բավարարելը, լուսանկարվելը` բնության վայելքով, Սամվելի պատմություններով, Լիլիթի կատակով, Նելի Փիլոյանի կախարդական գործիքով։

Կենացներն ինչքան շատանում, այնքան քաղցրանում են, մենք որոշեցինք կիսաքաղցր թողնել` հաջորդ տոնական ծառատունկով հանդիպման համար։ Մի ծառատունկ էլ Բյուրականում ու տպավորիչ վերադարձ դեպի Երևան։ Այսքան կենսատու տոները թող շատանան, շատանան, մինչև ամբողջ Հայաստանը դրանք դարձնի առօրեական։ Երևի կհանդիպենք հաջորդ ծառատունկին։