Հունվարյան նախագծեր

Ճամբարի անդամներ՝ Միջին դպրոցի 8-7 դասարան,

Ղեկավար՝ Հասմիկ Իսրայելյան

Նախագծեր․

  1. Հանրակրթական Դիջիթեք 2021ը Միջին դպրոցում

Ամենամյա 13-րդ ստուգատեսը տարբերվում է նախորդ տարներիների կազմակերպածից: Ստուգատեսին մասնակցելու համար պետք է տիրապետել ՏՀՏ որևէ նոր ուսումնական գործիքի, այդ գործիքի ուսումնական կիրառությունը ներկայացնել այլոց՝ վարպետության դասերի, (տեսա)ուղեցույցների, մեթոդական մշակումների միջոցով:  Ստուգատեսին մասնակցության հայտ կարող են ներկայացնել ինչպես անհատները, այնպես էլ խմբեր, դասարաններ, գործընկեր դպրոցներ՝ ինչպես Հայաստանից, Արցախից, այնպես էլ՝ արտերկրից։

Ստուգատեսն ամփոփվում է փետրվարի 1-ին «Մխիթար Սեբաստացի» կրթահամալիրի Մարմարյա սրահում (հասցե՝ Բաբաջանյան 25 )։

2021 թ․-ի Դիջիթեքյան ուղղություններն են՝

ՏՏ նոր գործիքի կիրառմամբ տեսադասեր

Սովորողների կազմակերպած վարպետաց դասեր՝ սովորող-սովորեցնող նախագիծ

Սեբաստացի ծնողական համայնքի ներկայացուցիչների, ոլորտում հայտնի գործիչների կազմակերպած վարպետաց դասեր

Գործընկեր դպրոցների, սովորողների համար կազմակերպվող վարպետաց դասեր՝ կրթական ծրագրի տարածում

Աշխատակարգը՝

Դեկտեմբերի 30-հունվարի 7՝ Ստուգատեսի գովազդի, հայտարարության տարածում, ստուգատեսային մեդիաբացիկների, պատկերանշանների մրցույթ-շքերթ, գործընկեր դպրոցներին ստուգատեսային շնորհավորանք-հրավերների փոխանցում:

Հունվարի 8— հունվարի 25՝  անհատական, խմբային, դասարանական, դպրոցական, ընտանեկան մասնակցության հայտերի գրանցում,  նյութերի հրապարակում, վարպետության դասերի լուսաբանում ուսուցիչների և սովորողների բլոգներում, անհատական կայքերում, mskh.am-ում, այլ սոցցանցերում:

Փետրվարի 1՝ ստուգատեսային տոն-ղափամա:

2. Սովորող-սովորեցնող 

Ժամանակահատված՝ հունվարի 8-31

Մասնակիցներ՝ Հյուսիսային դպրոցի  4-5 րդ դասարանի սովորողներ, Միջին դպրոցի 8-7 դասարանի սովորողներ:

Նպատակը.

  • Տարատարիք սովորողների փորձի փոխանակում,
  • Գիտելիքների ամրապնդում և յուրացում,
  • Համագործակցային հմտությունների ձևավորում

Խնդիրներ.

  • Ընտրվում է մաթեմատիկական թեմա, որը կարելի է անցկացնել համակարգչային որևէ ծրագրի միջոցով,
  • միջին դպրոցի սովորողները իրենց ծրագրային կիրառության հմտություններն ու գիտելիքները փոխանցում են կրտսեր դպրոցի սովորողներին,

Արդյունքներ․

Արդյունքները հրապարակվում են բլոգներում։

3. Մաթեմատիկական խաղերի պատրաստում

Մասնակիցներ ՝ Միջին դպրոցի 8-7 դասարանի սովորողներ

Նպատակը՝

  1. ՏՏ գործիքների կիրառմամբ մաթեմատիկական խաղերի ստեղծում,
  2. Մասնակցություն Հանրակրթական Դիջիթեք 2021-ին

Խնդիրներ՝

  • Մեդիատարածությունների, մեդիագործիքների ուսումնասիրություն,
  • Նոր գործիքների յուրացում,
  • Գիտելիքների փոխանակում,
  • Մեդիաորոնում,
  • Ծրագրավորման հմտությունների զարգացում,
  • Մաթեմատիկայի մեդիա կիրառություն,
  • Մաթեմատիկայի նկատմամբ հետաքրքրության ավելացում,
  • Ծրագրերի միջոցով խաղերի ստեղծում։

Արդյունքներ․

Արդյունքների հրապարակում բլոգներում, մաթեմատիկական մեդիախաղերի կիրառություն։

4. Ճամփորդություն դեպի Արատես

Ճամփորդության վայր՝ Արատեսի դպրական կենտրոն

Նպատակը՝ 

  • Քայլարաշավների կազմակերպում
  • Ձմեռային խաղեր
  • Հայրենագիտական բացահայտումներ
  • Դպրական կենտրոնի տարածքի ուսումնասիրություն

Նախնական աշխատանքներ՝ Սովորողներն իրենց բլոգներում հրապարակում են տեղեկություններ Արատեսի դպրական կենտրոնի մասին։ Համացանցից տեղեկություններ են փնտրում  Վայոց ձորի մարզի  մասին։

Ճանապարհը՝ մեկնումը՝

Հետդարձի ճանապարհը Վարդենյաց լեռնանցք, կանգառ Քարավանատանը

Ճամփորդության պատասխանատուներ՝  Հասմիկ Իսրայելյան, Գայանե Սարգսյան, Անի

Տեխնոլոգ՝ 

Նախահաշիվ

Եռօրյա ճամբարի ուղեգրի արժեքը մեկ անձի համար՝ 6000 դրամ։

  • Սննդի վճարը՝ 3000 երեք օրվա համար
  • Տրանսպորտի վճար՝ 80.000, վճարի մի մասը՝ կրթահամալիրի աջակցությամբ։

Ճամբարի գործունեության ուղղությունները

  • Միջավայրի խնամքի աշխատանքներ
  • Մարզական գործունեություն
  • Հայրենագիտություն
  • Ձմեռային ծաղեր
  • Քայլարշավներ
  • Սննդի կազմակերպումը՝ որպես ճամբարային գործունեության բղադրիչ, ինքնասպասարկում (պանիր, մածուն, լավաշ՝ Հերմոնից, պատասխանատու՝ Տարոն Հակոբյան)

Անհրաժեշտ իրերի ցանկ՝

  • քնապարկ
  • երկարաթև գիշերազգեստ
  • տաք հագուստ
  • ուսապարկ
  • ջուր՝ անհատական շշով, թերմոսով
  • հագուստ 3 օրվա համար
  • կոշիկներ՝ 2 զույգ /մեկը հագնում եք, մյուսը վերցնում ձեզ հետ/ հողաթափ
  • Առաջին օրվա  նախաճաշ, սնունդ՝  նախաճաշի բրդուճներ /չփչացող մթերքներ/, միրգ
  • Ջուր 1լ /ճանապարհի համար/
  • հարմար ուսապարկ՝ քայլարշավի ժամանակ անհրաժեշտ իրերը մեջը դնելու համար
  • Անհատական ճամփորդական սպասք
  • Աղբի տոպրակ, ձեռնոց
  • Հիգիենայի պարագաներ՝ ատամի խոզանակ, ատամի մածուկ, սանր, սրբիչ, օճառ, անձեռոցիկ՝ թաց և չոր
  • լապտեր
  • հեռադիտակ, կողմնացույց /ով ունի/
  • ինտելեկտուալ խաղեր, գիրք, շախմատ

Ճամփորդության ընթացքը

Օր առաջին

13։00 Մեկնում Մայր դպրոցից

1-ին կանգառ՝ Արփայի հովիտ

2-րդ կանգառ՝ Սմբատ իշխանի դամբարան

3-րդ կանգառ՝ Հայկական խաչքարերի գերեզմանոց, շրջակա միջավայրի խնամք

4-րդ կանգառ՝ Զորաց եկեղեցի

Մինչև 17:00 Արատես, իրերի տեղավորում

17:30-18:00  ճաշ

18:00-20:00 Քննարկումներ Արատեսում, հաջորդ օրվա պլանավորում

20:00-21:00 Ընթրիքի պատրաստություն

21:00-22:00 թեյխմություն խարույկի շուրջ, ծիսական երգեր

22:00- քուն

Օր երկրորդ

08:00- վերկաց

08:30- նախավարժանք

08:30-09:00 անձնական հիգիենա, անկողնու հարդարում, տարածքի կարգի բերում

09:00-10:00  նախաճաշ

10:00-11:00 Բարեկարգման աշխատանքներ

11:00-13:00 Ձմեռային մարզական  խաղեր

13:00-14:00  Ճաշ

14:00-15:00 Հանգստի ժամ

15:00-16:30 քայլարշավ դեպի Սևաժայռ

16:30-17:30 Մտքի ճկունությունը ստուգող և զարգացնող խաղեր

17:30-18:30 ծանոթացում Արատեսի տարածքի հետ

18:30-21:00 հանգստի ժամ,ընթրիք

21:00-22:00 սեղանի և ինտելեկտուալ խաղեր, զրույցներ

22:00-քուն

Օր երրորդ

08։00-09։00 Վերկաց, հիգիենայի ժամ, մարմնամարզություն

09։00-10։00 Նախաճաշ

10։00-12։00 Տարածքի բարեկարգում

12:00  Վերադարձ

Կարևոր

  • Մասնակիցները ջերմաչափվում են
  • Մեքենան լինելու է ախտահանված, միացված է լինելու օդափոխման համակարգը
  • Մեզ հետ ունենալու ենք ախտահանիչ լուծույթ, պարբերաբար ախտահանելու ենք ձեռքերը,
  • Պահպանվելու են հակահամաճարակային բոլոր նորմերը: 

Մասնակիցներ՝

Միջին դպրոցի 8-րդ դասարանի սովորողներ։

Մի մաթեմատիկոսի պատմություն

Մասնակիցներ՝ Միջին դպրոցի 8-րդ դասարանի սովորողներ

Նպատակը՝

Կազմել նյութեր աշխարհի հայտնի մաթեմատիկոսների մասին

Խնդիրները՝

  • Զարգացնել ինքնուրույն աշխատելու հմտություններ,
  • Զարգացնել ստեղծագորածական մտքի և որոնողական կարողություններ,
  • Մեծացնել սեր և հետաքրքրություն մաթեմատիկայի նկատմամբ,

Ընթացքը՝

Սովորողն ընտրում է մաթեմատիկոսի, ում կյանքի և աշխատանքային գորոծունեության վերաբերյալ ցանկանում է տեղեկություններ իմանալ,

Որոշակի աղբյուրներից հավաքում է նյութեր մաթեմատիկոսի մասին, կազմում փաթեթ և հրապարակում բլոգում,

Հաջոևդ փուլում յուրաքանչյուրը պատմում է իր կողմից ընտրված և սիրված մաթեմատիկոսի մասին և ներկայացնում նրա մաթեմատիկական հայտնագործություններից մեկը։

Արդյունքներ

Ամանորյա գործնական մաթեմատիկա-նախագիծ

Ուսումնական նախագիծ

դեկտեմբերի 9-20

 կազմակերպման սկզբունքները՝

  • մասնակցային. յուրաքանչյուրը՝ սովորող մասնակցում է  արդյունքների, առաջարկությունների քննարկման, անհատական արդյունքների ներկայացման.
  • խթանող. մասնակիցներն անում են առաջարկություններ.
  • բաց. նյութերը, առաջարկությունները հրապարակվում են, հասանելի են։
ԻՐԱԿԱՆԱՑՆՈՂՆԵՐԸ՝ ԿՐԹԱՀԱՄԱԼԻՐԻ միջին դպրոցի6-րդ և 7 -րդՍ դասարանի սՈՎՈՐՈՂՆԵՐ,
ՀԱՄԱԿԱՐԳՈՂ՝ ՄԱԹԵՄԱՏԻԿԱՅԻ ԴԱՍԱՎԱՆԴՈՂ ՀԱՍՄԻԿ ԻՍՐԱՅԵԼՅԱՆ

Բովանդակությունը՝ մաթեմատիկական խնդիրների կազմում, լուծում պարագիծ,                                                            մակերես,  ծավալ թեմաների շրջանակներում, դրանց գործնական                                       կիրառություն՝ երկրաչափական պատկերների, մարմինների                                                         պատրաստում խնդիրների լուծումներին համապատասխան։                                                        Պատրաստում ենք տոնական արկղիկներ։

Անհրաժեշտ պարագաներ՝ քանոն, գունավոր հաստ և բարակ թղթեր՝ ցանկալի է կարմիր, դեղին, կանաչ Ամանորյա գույների պահպանմամբ, մատիտ, ռետին, եթե կցանկանաք նաև գունավոր, բարակ ժապավեններ։

Նկարագրություն՝ խորանարդի, ուղղանկյունանիստի վերաբերյալ խնդիրներ լուծելուց, համապատասխան չափումներ իրականացնելուց հետո, պատրաստում ենք տոնական նվերի արկղիկներ, տոնածառի խաղալիքներ, աշխատանքները ցուցադրում ենք բլոգներում։

Աշխատակարգ

  • Կազմվում են խնդիրներ թեմաներին համապատասխան,
  • լուծվում են դրանք սովորողների կողմից,
  • տվյալներին համապատասխան գործնական պարապմունքներ ենք անցկացնում,
  • արդյունքները հրապարակում ենք բլոգներում,
  • Ամփոփում ենք բլոգներում տեղադրված նյութերը, աշխատանքները, տեսանյութերի  միջոցով նաև ընթացքը։

Ստուգատեսային շաբաթ․ աշխատանքների գնահատում

Աշխատանքին յուրաքանչյուրի մասնակցությունը պարտադիր է։ Տեղադրիր տրված հարցերն իրենց պատասխաններով քո բլոգի <<Մաթեմատիկա և երևակայություն>> կամ <<Մաթեմատիկա առանց բանաձևերի>> բաժնում՝ <<Աշխատանքների գնահատում>> վերնագրով։ Աշխատանքը կատարելուց հետո հղումն ուղարկիր մեյլի միջոցով։

  1. Քանի՞ աշխատանք է կատարված և տեղադրված բլոգի Մաթեմատիկա առանց բանաձևերի/Մաթեմատիկա և երևակայություն բաժնում։
  2. Ո՞ր նախագծերին ես մասնակցել․ թվարկել անվանումներով։
  3. Տեղադրիր առարկայի շրջանակներում կատարածդ աշխատանքների/ նախագծերի հղւմները։
  4. Ո՞ր նախագծերին չես մասնակցել, որո՞նք են բացթողումներդ։
  5. Ի՞նչ ժամկետում ես պատկերացնում և պատրաստվում կատարել բաց թողնված աշխատանքները, լրացնել բաց թողնված նախագծերը։
  6. Ի՞նչ մաթեմատիկական թեմայով ես ցանկանում տեսնել հաջորդ նախագիծը։
  7. Ինչպիսի՞ն կլինի քո մասնակցությունը հաջորդ նախագծին։
  8. Ինչպե՞ս կգնահատես առարկայի շրջանակներում մինչ այժմ կատարածդ աշխատանքը։

Նվեր կրթահամալիրին․ Իմ խնդրագիրքը

Վայր՝ առցանց հարթակ

Մասնակիցներ՝ Միջին դպրոցի 6-րդ, 7-րդ, 8-րդ դասարանի սովորողներ

Նպատակը՝

Կազմել կրթահամալիրին նվիրված մաթեմատիկական խնդիրների ժողովածու

Խնդիրները՝

  • Միանալ կրթահամալիրյան տոնի միջոցառումներին,
  • Զարգացնել ստեղծագորածական մտքի և որոնողական կարողություններ,
  • Մեծացնել սեր և հետաքրքրություն մաթեմատիկայի նկատմամբ,
  • Մասնակցել մրցույթի և տպագրել նյութեր

Ընթացքը՝

  • Կրթահամլիրի ներկայի և պատմության մասին մաթեմատիկական խնդիրների կազմում, ժողովածուի կազմում, լուծում,
  • Խնդիրների հավաքագրումից հետո խնդրագրքի կազմում, ստեղծում,
  • Մրցույթի մասնակցություն։

Արդյունքներ

  • Աշխատանքների հրապարակում բլոգներում,
  • Լավագույն աշխատանքների տպագրություն <<Մաթեմատիկա>> ամսագրում։

Գրաբարի օրեր․ Շիրակացի մաթեմատիկոսը

Մասնակիցներ՝ Միջին դպրոցի 6, 7, 8-րդ դասարանների սովորողներ

Ժամկետը՝ 19.10.20-13.11.20

Նպատակը՝ <<Գրաբարյան օրեր>> նախագծի մասնակցություն, Մի

Իրականացման ընթացքը՝

  • Ծանոթություն  ուսումնական նյութին(էջ՝ 78-80), յուրացում,
  • Հայ միջնադարյան մաթեմատիկական գիտության ուսումնասիրություն,
  • Ծանոթացում Անանիա Շիրակացու մաթեմատիկական աշխատություններին,
  • Շիրակացու <<Յաղագս հարցման և լուծման>> գրքի խնդիրների ուսումնասիրություն գրաբարյան և աշխարհաբարյան տարբերակներով,

Գրաբար․

Ա. Հարցումն․ Այսպէս լուայ ի հաւրէն իմմէ, եթէ ի ժամանակի պատերազմացն Հայոց ընդ Պարսս սաստիկ քաջութիւնք լինէին ի Կամսարականէն Զուրակայ, որպէս թէ ամսալրեայ ալորբք երիցս յարձակեալ ի վերայ զալրացն Պարսից՝ և հարկանէր յառաջնոլմն զկէս գարուն, և ի հետ մտեալ հարկանէր երկրորդումն զչսրրռրդ մասն զալրուն, և յերրորդումն զմետասաներորդն։ Եւ մնացեալքն անկանէին փախստեայ ի Նախճաւան, թուով [=280]։ Արդ պարտիմք և մեք իմանալ մնացելովքս, եթէ յառաջ քան զկոտո–րումն որչա՞փ էին։

Աշխարհաբար․

Խնդիր 1․ Իմ հորից ես լսեցի, թե պարսիկների դեմ հայոց պատերազմի ժամանակ Զորաց Կամսարյանը մեծ քաջագործություններ էր գործում․ իբր թե մեկ ամսվա ընթացքում երեք անգամ հարձակվելով պարսկական զորքի վրա՝ առաջին անգամ կոտորեց զորքի կեսը, հետապնդելով՝ երկրորդ անգամ կոտորեց քառորդ մասը, երրորդ անգամ՝ տասնմեկերորդը, մնացածները փախուստի մատնված ՝ Նախիջևան մտան, թվով 280: Այդ մնացածներով մենք պետք է իմանանք, թե ջարդից առաջ որքա՞ն էին։

Խնդիր2. Իմ մերձավոր մարդկանցից մեկը Մեկնելով Բահլ՝ շահաբեր գնով մարգարիտ ձեռք բերեց։ Տուն վերադառնալիս, հասնելով Գանձակ, նա իր գնած մարգարիտի կեսը վաճառեց հատը 50 դրամով։ Գալով Նախիջևան՝ վաճառեց նրա քառորդ մասը, հատը 70 դրամով, ապա հասնելով Դվին՝ վաճառեց նաև այդ մարգարիտի 1/12 մասը՝ հատը 50 դրամով։ Երբ նա եկավ մեզ մոտ՝ Շիրակ, նրա մոտ մնացել էր ընդամենը 24 հատ մարգարիտ։ Արդ, այդ մնացածով իմացի՛ր, թե ընդամենը քանի մարգարիտ էր գնել նա և քանի՞ դրամ էր ստացել վաճառած մարգարիտներից։

Խնդիր3. Ես իմ ուսուցչից լսեցի, թե գողերը, մտնելով Մարկիանոսի գանձարանը, գանձի կեսը և 1/4-ը գողացան։ Գանձապահները ներս մտնելով՝ գտան 421 կենդինար( 1 կենդինարը հավասար է 7200 դահեկանի) և 3600 դահեկան։ Արդ իմացի՛ր, թե ամբողջ գանձը որքա՞ն էր։

Խնդիր4. Սուրբ Սոֆիայի միաբանների աշխատավարձը բաժանվում էր այսպես․ 1/5 մասը ստանում էին սարկավագները, 1/10-ը՝ քահանաները, 240 լիտր՝ եպիսկոպոսները և 2000 լիտր՝ մնացած միաբանները։ Գտի՛ր, թե ամբողջ աշխատավարձը քանի՞ լիտր էր։

Խնդիր5. Սպաների աշխատավարձը բաշխվում էր այսպես․ 1/4 մասը՝ պատվազորներին, 1/8-ը ավագներին, իսկ մնացած 150 կենդինարը՝ մյուս հեծյալներին։ Իմացի՛ր, թե ամբողջ աշխատավարձը որքա՞ն էր։

  • Խնդիրների լուծում,
  • Աշխատանքների լուսաբանում բլոգներում,
  • Աշխատանքների ներկայացում <<Մաթեմատիկա>> ամսագրին։

Համակարգող՝ Հասմիկ Իսրայելյան

Դիագրամներ

Մասնակիցներ՝ Միջին դպրոցի սովորողներ

Դիագրամ ( հուն․՝ Διάγραμμα (diagramma) — պատկեր, գծանկար) — գծային հատվածների կամ երկրաչափական պատկերների միջոցով տվյալների արտահայտում, որը թույլ է տալիս արագ գնահատելու մի քանի մեծությունների հարաբերությունը։

Դիագրամները հիմնականում կազմված են տարբեր երկրաչափական օբյեկտներից ( կետերգծեր, տարբեր գույների ու ձևերի պատկերներ) և օժանդակ տարրերից (կոորդիանատային առանցքներ, պայմանական նշաններ, վերնագրեր)։ Բացի այդ, դիագրամները լինում են երկչափ և եռաչափ: Դիագրամների մեջ երկրաչափական առարկաների համեմատությունը կարող է կատարվել տարբեր չափումների միջոցով, օրինակ՝ պատկերի մակերես, բարձրություն, կետերի խտություն և այլն։

Գծային դիագրամներ, գրաֆիկներ

Գծային դիագրամները կամ գրաֆիկները տվյալները ներկայացնում են գծերով իրար միացված կետերի միջոցով։ Կետերը կարող են լինել ինչպես տեսանելի, այնպես էլ անտեսանելի (միայն բեկյալ գծեր): Նաև կարող են հանդիպել միայն կետեր պարունակող դիագրամներ (կետային դիագրամներ)։ Գծային դիագրամներ կառուցելու համար օգտագործվում է ուղղանկյուն կոորդինատային համակարգ: Սովորաբար, աբսցիսսների առանցքը ներկայացնում է ժամանակը ( տարիներամիսներ և այլն), իսկ օրդինատների առանցքը՝ երևույթների, պրոցեսների չափը։ Առանցքների վրա նշվում են մասշտաբները։

Սյունակաձև դիագրամներ՝ Հիստոգրամ

սյ.png

Սյունակաձև դիագրամները (սյունապատկերները) կազմված են նույն լայնությամբ զուգահեռ ուղղանկյուններից (սյունակներից): Յուրաքանչյուր սյունակ ցույց է տալիս տվյալների որոշակի տեսակ (օրինակ՝ ամպամածության տեսակը): Տվյալների տեսակները դասակարգված են հորիզոնական առանցքի վրա:  Սյունակի բարձրությունը ցույց է տալիս տվյալների որոշակի տեսակի արժեքը (օրինակ՝ որոշակի ամպամածությամբ օրերի քանակը):Արժեքները տեղադրվում են ուղղահայաց առանցքի վրա:

Շրջանաձև դիագրամ

Մեծությունների հարաբերության ներկայացումը շրջանի մասերի միջոցով կոչվում է շրջանաձև դիագրամ: Այս տեսակի դիագրամները հարմար են օգտագործել, երբ անհրաժեշտ է ցույց տալ յուրաքանչյուր արժեքի բաժինը ընդհանուրի մեջ:

գգգծ.png

Առաջադրանքներ

  1. Միացիր Համընդհանուր հարցում՝ հանրաքվե սեբաստացի կրթական բաց ցանցում նախագծին

2. Կատարիր․ Տրված դիագրամը ցույց է տալիս «Ո՞րն է քո մեքենայի մակնիշը» հարցման արդյունքները: Մուգ կանաչով նշված են կանանց պատասխանները, իսկ բաց կանաչով՝ տղամարդկանց: Ո՞ր մեքենայից տղամարդիկ ավելի շատ ունեն, քան կանայք: 

н3.png

3. Կազմի՛ր դիագրամ հայկական պաշտպանական բանակի կողմից խոցված զրահատեխնիկաների տեսակներից որևէ մեկի տվյալների հիման վրա։

Համընդհանուր հարցում՝ հանրաքվե սեբաստացի կրթական բաց ցանցում

Մասնակիցներ՝ Միջին դպրոցի 7, 8-րդ դասարանների սովորողներ

Ժամկետը՝ 28.09.20-23.10.20

Նպատակը՝ համընդհանուր հարցման արդյունքների ուսումնասիրություն, դիագրամային ներկայացում

Իրականացման ընթացքը՝

  • Ծանոթություն դիագրամների մասին ուսումնական նյութին
  • Հանրաքվեի արդյունքների ամենօրյա տվյալների ուսումնասիրություն,
  • Արդյունքների տվյալների համեմատում,
  • Թվաքանակների փոփոխությունների ֆիքսում, գրանցում,
  • Տվյալների թվային փոփոխությունների դինամիկայի գնահատում,
  • Դինամիկայի գնահատման դիագրամային ներկայացում,
  • Ամենօրյա երեկոյան առցանց նամակագրություն՝ որպես օրվա աշխատանքների ամփոփում, արդյունքների գրանցում,
  • Աշխատանքների ամփոփում՝ արդյունքների ներկայացում:
  • Աշխատանքների լուսաբանում բլոգներում:

Արդյունքներ, լուսաբանումներ, ամփոփում

Մանե Մկրտչյան— 8.4 դասարան

Գոռ Մնացականյան— 8.5 դասարան

Լուիզա Ողիազարյան- 8.5 դասարան

Անահիտ Վերմիշյան— 8,5 դասարան

Սոնա Շահսուվարյան 7.4 դասարան

Անի Շահսուվարյան7.4 դասարան

Էլեն Սաֆարյան7.4 դասարան

Շուշաննա Կարապետյան7.4 դասարան

Անիտա Գրիգորյան7.4 դասարան

Դավիթ Բաբաջանյան 7.4 դասարան

Արտաշես Մեջլումյան7.4 դասարան

Նարեկ Բունիաթյան7.4 դասարան

Ջանիկյան Իռեն— 7.4 դասարան

Դավիթ Մելիչենկո— 7.6 դասարան

Գայանե Կագանյան 7.7 դասարան

Լավագույն աշխատանքներ

Լիլիթ Ղազարյան— 7.2 դասարան

Լաուրա Թորոսյան— 7.7 դասարան

Էլեն Սաֆարյան— 7.4 դասարան

Արինա Ազնավուրյան— 8.5 դասարան

Տիգրան Գրիգորյան— 8.5 դասարան

Ամալյա Ազատյան— 8.6 դասարան

Կարեն Մարգարյան

Լրացվող․․․

Համակարգող՝ Հասմիկ Իսրայելյան

Պատմական մաթեմատիկա

Վայր՝ Միջին դպրոց

Մասնակիցներ՝ Միջին դպրոցի սովորողներ

Ժամկետը՝ 22.09.20- 15.10.20

Ուսումնական նյութ

Մարդիկ մաթեմատիկայով զբաղվել են անհիշելի ժամանակներից: Դժվար է գտնել մարդկային գործունեության մի բնագավառ, որտեղ  չզգացվի առարկաները որոշակի կարգով խմբավորելու և հաշվելու, դրանց չափերը, ձևն ու փոխադարձ դիրքը որոշելու անհրաժեշտություն: Մաթեմատիկան հենց այդ գիտելիքների ու հմտության ամբողջությունն է. այն օգնում է խուսափելու ավելորդ վերահաշվումներից, սովորեցնում հայտնի մեծության օգնությամբ որոշել անհայտը: Մաթեմատիկայի հիմնական բնագավառներից են թվաբանությունը, երկրաչափությունն ու հանրահաշիվը:

Մաթեմատիկան իր զարգացման փուլերն անցել է Երկրի տարբեր կողմերում, որի սկիզբը դրվել է Արևելքում։ Արևելյան մաթեմատիկան առաջացել է որպես կիրառական գիտություն՝ նպատակ ունենանլով թեթևացնել օրացուցային հաշվարկները, բերքի բաշխումը, հասարակական ախատանքների կազմակերպումը, հարկերի հավաքումը։ Սկզբում սկսել է զարգանալ թվաբանությունը՝ որպես աստիճանաբար կուտակվող պրակտիկ կանոնների հավաքածու՝ կենցաղային ամենօրյա խնդիրների լուծման համար։

Այդ կանոնները հանգեցրել են թվերի գումարմանը, հանմանը, բազմապատկմանը, բաժանմանը սկզբում ամբողջ, հետո արդեն կոտորակային թվերի համար։ Հնագույն մաթեմատիկական աղբյուրներ են եգիպտական և բաբելոնական նմուշները, որոնք պարունակում են բազմազան թվաբանական և երկրաչափական տեղեկություններ, բայց դրանք մաթեմատիկական գիտության առաջին նյութեր համարելը դժվար է, քանի որ որպես գիտություն մաթեմատիկան ունի կարևոր առանձնահատկություն, դա ապացույցների պարտադիր առկայությունն է, ինչը բացակայում է եգիպտական և բաբելոնական աղբյուրներում։ Այդ է պատճառը, որ գիտության մեջ ընդունված է առաջին մաթեմատիկոս անվանել հույն վաճառական, ճանապարհորդ և փիլիսոփա Թալեսին (Ք․ա․ 7-րդ դար)։ Թալեսին են վերագրում առաջին մաթեմատիկական թեորեմները, սակայն նա լուծել է նաև շատ կիրառական խնդիրներ, որոնցից հայտնի է եգիպտական բուրգի բարձրության հաշվումը։ Մաթեմատիկան զարգացման որոշակի մակարդակի հասավ Հին Հունաստանում, որտեղ ամենահայտնի մաթեմատիկոսներից էր Պյութագորասն իր Պյութագորյան դպրոցով․․․

Աղբյուրներ․ Դ․ Սարիբեկյան, <<Մաթեմատիկայի պատմություն>>, Դպրոցական մեծ հանրագիտարան, Մաս 1-ին

Խնդիրներ

  1. Վանդակում փասիաններ և ճագարներ կան։ Նրանք բոլորը միասին ունեն 35 գլուխ և 94 ոտք։ Վանդակում քանի՞ փասիան կա։

<<Կիու-Չանգ>> (Թվաբանության ինը բաժինները) գրքից, Չինաստան, Ք․ա․ 17-րդ դար

2. Լոտոսի ծաղիկների փնջից վերցրել են մեկ երրորդ, մեկ հինգերորդ և մեկ վեցերորդ մասերը, որոնք նվիրաբերվել են աստվածներին՝ Շիվայինմ Վիշնուին, և Արևին» Մեկ քառորդը բաժին է ընկել Բավանիին։ Մնացած վեց լոտոսները տրվել են գերապատիվ ուսուցչին։ Հաշվիր բոլոր ծաղիկների քանակը։

Բհասքարա Աչարյայի <<Աստղագիտական ահամակարգի պսակ>> գրքից, Հնդկաստան, 12-րդ դար

3. Ես եկեղեցի էի առուցում։ Վարձեցի մի որմնադիր, որը օրական 140 քար էր շարում։ Աշխատանքն սկսելուց 39 օր հետո վարձեցի մեկ ուրիշ որմնադիր, որը օրական 218 քար էր շարում։ Երբ երկրորդ որմնադիրի շարած քարերի թիվը հավասարվեց առաջինին, եկեղեցու կառուցումը ավարտվեց։ Արդ՝ իմացիր, թե քանի օրում հավասարվեց։

Անանիա Շիրակաց, <<Խնդրագիրք>>, Հայաստան, 7-րդ դար։

Լրացուցիչ աշխատանք

Աշխատանք սովորողների համար․ ընտրենք, աշխատենք միասին(6-րդ դասարան)

Աշխատանք սովորողների համար․ ընտրենք, աշխատենք միասին (7-րդ դասարան)

Աշխատանք սովորողների համար․ ընտրենք, աշխատենք միասին (8-րդ դասարան)