Մխիթար Սեբաստացի կրթահամալիր
Երրորդ օրը ևս ճամբարում հագեցած էր։ Երեխաները ակտիվ էին իրենց կողմից սիրված աշխատանքներում։ Առավոտյան կարգի են բերում իրենց մոլորակը՝ մաքրում, դասակարգում, դասավորում, մարմնամարզությամբ զբաղվում, նախաճաշում։ Հետո՝ լող լողավազաններում և միմյանցից տարբերվող խաղեր խաղում։ Կազմակերպված խաղերը հիմնականում զարգացնող են և հմտություններ ձևավորող։ Այնուհետև ճաշում են, վազքով զբաղվում, նոր երգեր սովորում, հետաքրքիր պատմություններ պատմում և պատրաստվում վերադառնալուն տուն։ Այսպիսի հագեցած ընթացք
Ճ
ամբարականների հետ երկրորդ օրն է, և մենք արդեն բավականին ճանաչում ենք միմյանց։ Առավոտյան դասավորեցինք տարածքը, մաքրեցինք մեր շրջակայքը, նախապատրաստվեցինք հետաքրքիր օրվան։ Նախավարժանքից հետո ճաշեցինք, որին հաջորդեց լողն ու մրցումները՝ լողավազաններում։ Ծանոթացանք Երթևեկության կանոններին, ասեմ նույնիսկ, որ շատերը ծանոթ էին, փաստորեմ մեր ճամբարականները կարող են շատ լավ վարորդներ դառնալ։
Ճաշից հետո շարունակվեցին հետաքրքիր անակնկալները, խաղերը, երգերը, պատմույթունները, վազք, սպորտ։ Հաճելին ու օգտակարը համատեղվեցին։
Հուլիսի 22-ին ճամբարականների հետ ծանոթության օրն էր։ Սկսվեց իմ կամավոր աշխատանքը Մխիթար Սեբաստացու Հյուսիսային մանկապարտեզ-դպրոցում։ Հրաշամանուկների խաղերը լողավազանում, արկածներն ու մրցումները ընկեր Անիի օգնությամբ, անչափ հետաքրքիր էին։
Անվանումը (վերնագիրը)` ՄԱԹԵՄԱՏԻԿԱՆ ՕԳՆՈՒՄ Է ՊԱՇՏՊԱՆԵԼ ԲՆՈՒԹՅՈՒՆԸ
Մասնակիցներ՝ Դասավանդողներ, սովորողներ, բնապահպան։
Իրականացման տևողությունը ՝ 2-3 օր։ Продолжить чтение «ՄԱԹԵՄԱՏԻԿԱՆ ՕԳՆՈՒՄ Է ՊԱՇՏՊԱՆԵԼ ԲՆՈՒԹՅՈՒՆԸ»
Կրթահամալիրում 2019-ի ամառն սկսել է այս տարվա համար նոր, բայց ամենամյա, քանդակագործության, ճարտարապետության միջազգային փառատոնով՝ ընդգրկուն բովանդակությամբ։ Փառատոնն ունի 5 նախագծային ուղղվածություն, որոնք իրենց բովանդակությամբ, շրջակա միջավայրի ու համայնքի կյանքի բարելավմանն ուղղված առանձին նախագծերով լրացնում են մեկը մյուսին:
Թվում է, որ «Գետը բնակավայրում» նախագիծը իր էությամբ բնապահպանական է, բայց այն, նախ և առաջ, մանկավարժական է, եթե դրա իրականացմանը մասնակցում են սովորողները: Իրականացվող նախագծի արդյունքում Երևանի միջով հոսող Հրազդան գետի ու նրանից սկիզբ առնող ջրանցքների ջրերը ու ափամերձ տարածքները մինչև Արաքսավան միանգամից չմաքրվեցին, բայց, միևնույն ժամանակ, հարյուրավոր տարատարիք սովորողներ գիտակցեցին ու գիտակցում են գետը, շրջակա միջավայրը մաքուր պահելու անհրաժեշտությունը: Հզոր է
մանկավարժության ազդեցությունը, ու մենք ունենալու ենք մաքուր Հրազդան ու նրա մաքուր ջրերով ջրանցքներ: Հայրենասիրությունն էլ ինչպե՞ս է փոխանցվում:
Ես Հասմիկ Իսրայելյանն եմ։ Շրջապատում ինձ բնութագրում են որպես կրեատիվ, ակտիվ և 
տոկուն անձնավորություն։ Հանրակրթական և Արվեստի դպրոցները ավարտելուց հետո սովորել եմ մաթեմատիկա բաժնում՝ ՀՊՄՀ-ում, այժմ ուսանում եմ ԵՊՀ-ի մշակութաբանության բաժնում, մագիստրոս եմ։Մանկավարժությունը իմ տարերքն է, ոչ միայն սիրում եմ երեխաներին, այլ նաև սիրում եմ առանձնահատուկ պատասխանատվությամբ ու հետաքրքրությամբ աշխատել նրանց հետ։ Սիրում եմ տարբերվող ու պահանջված նորարարությունները, նախաձեռնություններ անել, որոնք իմ շուրջն ու աշխարհը ավելի լավը կդարձնեն։ Դասական երաժշտությունը և պոեզիան ևս իմ տարերքներն են, ստեղծագործում եմ, գրում, ուզում եմ գիտական գործունեությամբ զբաղվել։ Լրագրությունը իմ նոր հոբբին է, որը ևս ցանկանում եմ հաջողության հասցնել։ Սպորտը համարում եմ առողջ ապրելակերպի կարևոր բաղադրիչ, բնասեր եմ շատ։ Սիրում եմ նաև նոր ընկերներ ձեռք բերել, շփվել, մինիհեղափոխություններ անել իմ մեջ և շուրջս անըդհատ։
Ինձ համար կարևոր է մարդու արժեհամակարգը, այն, թե ինչպիսի մշակույթի և մտածողության կրող է նա։ Ժամանակից կախված չեմ, բայց սիրում եմ ռեալ և պլանավորված օգտագործել այն։ Ամենասիրելի երևույթը ինձ համար մարդկային անկեղծ ժպիտն է։ Եվ առհասարակ․ սիրում եմ կյանքը իր բալար գույներով։
Վերապատրաստման դասընթացը կարևոր է դասի այլընտրանքային մատուցման գործիքներին ծանոթանալու, արդիական խնդիրներին արդիական լուծումներ տալու, դասի նկատմամբ հետաքրքրասիրություն առաջացնելու և այլ առումներով։
Այսօրվա ընթացքում ծանոթացա մասնակիցների, դասավանդողի հետ։ Բլոգավարման գործիքներին ծանոթանալը, դրանց գործառույթները սովորելը և կիրառելը կարևոր էր։ Պատրաստվում ենք կազմել նախագիծ, որը առաջին քայլերից է այլընտրանքային մեթոդներով դասավանդման ուղղությամբ։
Հասմիկ Իսրայելյան 